އއ.މާޅޮހު ބަނދަރު ތަރައްޤީކުރުމުގެ މަސައްކަތް ފެށުމަށް ތައްޔާރުވެއްޖެއެވެ.

މި މަޝްރޫޢުގައި ރަށުގެ ބަނދަރަށް 394 މީޓަރުގެ ސަރަޙައްދެއް އިތުރުކުރުމަށްވަނީ ނިންމާފައެވެ. މިގޮތުން ރަށުގައި ޢަމަލީ މަސައްކަތް ފެށުމަށް ބޭނުންވާ އުޅަނދުތަކާއި އެކަމަށް ބޭނުންވާ ސާމާނު އެމްޓީސީސީން މިހާރުވަނީ އެރަށަށް ގެންގޮސްފައެވެ.

އެއްއަހަރު ދުވަހުގެ ތެރޭގައި ނިންމާގޮތަށް އެމްޓީސީސީއާ ހަވާލުކޮށްގެން ކުރިއަށްގެންދާ މި މަސައްކަތުގައި ހިމެނެނީ 24،335 ކިއުބިކް މީޓަރުގެ ސަރަޙައްދު ފުންކުރުމާއި 407 މީޓަރުގެ ބޭރު ތޮށި ލުމާއި، 56 މީޓަރުގެ ސަރަޙައްދުގައި ގްރޮއިންސް ޖެހުމާއި 100 މީޓަރުގެ ރިވެޓްމަންޓް ޖެހުމުގެ މަސައްކަތެކެވެ. އަދި 1970އަކަ މީޓަރުގެ ސަރަޙައްދުގައި ޕޭވްމަންޓް ހެދުމާއި ބަނދަރު ސަރަޙައްދުގައި ބައްތި ޖެހުންވެސް މިމަސައްކަތުގައި ހިމެނެއެވެ.

މި މަސައްކަތް ކުދިވެހި ސަރުކާރުން 56.97 މިލިއަން ރުފިޔާ ޚަރަދުކޮށްގެން ކުރިއަށްގެންދާ މަޝްރޫޢުއެކެވެ.