މިއަދު މިގެނެސްދެނީ ވަރަށް މީރުކޮށް ތައްޔާރުކޮށްލެވޭ ތަރުކާރީގެ ބާވަތެއް ކަމަށްވާ ކޯން ބޭނުންކޮށްގެން ސޫޕެއް ތައްޔާރު ކުރާނެގޮތެވެ. މިއީ ހަދާލަން ވަރަށް ފަސޭހަ ރަހަމީރު ބާވަތެކެވެ. އެއީ ސްވީޓް ކޯން ސޫޕް ތައްޔާރު ކުރާނެ ގޮތެވެ. މިއީ ޢާންމުކޮށް ގޭގައި ހަދާލަން ފަސޭހަ އެއްޗެއްގެ އިތުރުން ތަރުކާރީގެ ބާވަތްތައް މިހާރުވަނީ ބާޒާރުގައި ވަރަށް ތިޔާގިވެފައެވެ.

ބޭނުންވާ ތަކެތި

2 ޖޯޑު ފެން

2 މޭޒުމަތީ ސަމުސާ ސްވިޓް ކޯން

2 މޭޒުމަތީ ސަމުސާ ހިމުންކޮށް ކޮށާފައި ހުރި ކުކުޅުމަސް

3/1 ސައި ސަމުސާ އަޖިނަމޮޓޯ

4/1 ސައި ސަމުސާ ލޮނު

2/1 ސައި ސަމުސާ ހަކުރު

1 ސައި ސަމުސާ ކޯން ފްލަރ

1 ބިސް

ތައްޔާރުކުރާނެގޮތް

ތެލި އުނދުން މައްޗަށް އުދާލާފައި ފެން އަޅާލާށެވެ. ކެކިގަތުމުން ސްވީޓް ކޯން އަދި ޗިކަން ކޮޅު ވެސް އެއްކޮށްލާށެވެ. ދެން އެދެބައި ރޯފިލުމުން އަޖިނަމޮޓޯ ، ލޮނު، ހަކުރު، އެއްކޮށްލާށެވެ. ކޯންފްލަރކޮޅު ފެން ފޮދެއްގައި ގިރާލާފައި އަޅާލާށެވެ. ކެކިގަތުމުން ބިސް ގިރާފައި އަލާލުމަށްފަހު އެއްކޮށްލާށެވެ. ކެކުމުން އުނދުން މަތިން ބާލާށެވެ.